colabstartup@gmail.com
ՍՏԵՂԾԵԼՈՎ ՍՏԱՐՏԱՓՆԵՐ
ՄԻԱՍԻՆ՝ 0-ԻՑ
COLAB Startup Factory-ն հարթակ է, որը ստեղծված է տարբեր մասնագիտությամբ մարդկանց միավորելու և նորարարական գաղափարներն իրականություն դարձնելու համար։ Եթե ցանկանում եք վերջապես կյանքի կոչել ձեր գաղափարը, կամ գտնել գաղափարակից մարդկանց ու միասին որևէ բան մտածել, միացեք մեզ՝ ստեղծելու, սովորելու և աճելու համար։
Միասին ստեղծենք ստարտափների նոր միջավայր Հայաստանում։
- 300+Մասնակից
- 240+Քննարկված գաղափար
- 15Ստարտափ
COLAB ՍՏԱՐՏԱՓՆԵՐ
Աշխատանքների փուլերը
COLAB-ում մենք օգնում ենք ստարտափի իրագործման բոլոր փուլերում՝ գաղափարների գեներացիայից մինչև շահութաբեր բիզնես։ Յուրաքանչյուր փուլ իր հերթին բաղկացած է 4 քայլից։
ՓՈՒԼ 1․ ԳԱՂԱՓԱՐ
Քայլ 1․ Ծանոթություն
Քայլ 2․ Գաղափարների ֆիլտրացիա
Քայլ 3․ Գաղափարների քննարկում
Քայլ 4․ Գաղափարների վալիդացիա
ՓՈՒԼ 2․ ԻՐԱԳՈՐԾՈՒՄ
Քայլ 1․ Հիմնական թիմի ձևավորում
Քայլ 2․ Պրոտոտիպի թեսթավորում
Քայլ 3․ MVP-ի թեսթավորում
Քայլ 4․ Պաշտոնական մեկնարկ
ՓՈՒԼ 3․ ԱՃ
Քայլ 1․ Սկզբնական շարժ
Քայլ 2․ Մոնետիզացիա
Քայլ 3․ Եկամտաբեր բիզնես
Քայլ 4․ Ներդրումների ներգրավում
Անդամակցության պայմանները
COLAB-ում որևէ նախագծին միացողն ունենում է դրանից մասնաբաժին, ինչի փոխարեն ներդնում է իր աշխատանքային և այլ (ըստ նախընտրության) ռեսուրսները։ Աշխատանքներն ամբողջովին տարվում են օնլայն։
COLAB-ում գործում է անդամակցության 2 սցենար․
COLAB-ում գործում է անդամակցության 2 սցենար․
- Սցենար 1․ Գլխավոր հիմնադիրԵթե մասնակիցը ցանկանում է գեներացնել գաղափարներ և թիմ հավաքել իր գաղափարի շուրջ՝ լինելով ստարտափի գլխավոր հիմնադիրը, գաղափարը պետք է անցնի Փուլ 1-ով, և անցնելու դեպքում Փուլ 2-ի առաջին քայլով կհավաքվի թիմ։
Միանալ → - Սցենար 2․ ՀամահիմնադիրԵթե մասնակիցը ցանկանում է միանալ ստեղծվող ստարտափներից մեկին՝ միանգամից Փուլ 2-ում, նա պետք է սպասի այնքան, մինչև ստանա համապատասխան առաջարկ։
Միանալ →
ՄԵՆԹՈՐՆԵՐ
Ժորա Իսպիրյան
Մարքեթինգ
Միհրան Բաբայան
Ֆինանսներ
Հովհաննես Խաչատրյան
Back-End
Ալինա Մելքոնյան
Հեղինակային իրավունք
ՄԵՐ ԳՈՐԾԸՆԿԵՐՆԵՐԸ
Եթե ցանկանում եք դառնալ COLAB Startup Factory-ի գործընկեր, կապ հաստատեք մեզ հետ colabstartup@gmail.com էլ․ հասցեով։
ՀԱՃԱԽ ՏՐՎՈՂ ՀԱՐՑԵՐ
COLAB-ին կարող է միանալ ցանկացած անձ, ով ունի ցանկություն և պատրաստ է գործել՝ սեփական ստարտափը ստեղծելու համար։
Միանալ կարող են ՏՏ ոլորտին վերաբերող ցանկացած մասնագիտության մարդիկ, ներառյալ՝ ծրագրավորում, մարքեթինգ, դիզայն, ֆինանսներ, մենեջմենթ, և այլն։
COLAB-ում աշխատանքները տարվում են LinkedIn, Telegram, Google Meet հարթակներով։ Անհրաժեշտ է ունենալ հասանելի և լրացված օգտահաշիվներ՝ աշխատանքներին մասնակցելու համար։
Այո, COLAB-ին կարող եք միանալ պատրաստի գաղափարով։ Դրա շուրջ թիմ հավաքելու համար այն պարտադիր կերպով պետք է անցնի Փուլ 1-ով։
Այո, գործող ստարտափները նույնպես կարող են միանալ COLAB-ին։
Ոչ, COLAB-ն այս պահին չի զբաղվում ստարտափների ֆինանսավորմամբ։ Մենք օգնում ենք ստեղծել այնպիսի ստարտափներ, որոնք չունեն ֆինանսավորման կարիք՝ ձևավորելով մասնագիտական թիմեր։
Ոչ, ակումբին կարող են միանալ ցանկացած մակարդակի պրոֆոսիոնալներ՝ սկսնակից մինչև փորձառու։
Այո, COLAB-ում բոլոր աշխատանքները տարվում են օնլայն՝ ազատ գրաֆիկով։
Մասնակիցներից պահանջվում է ներդնել իրենց աշխատանքը՝ ստարտափի ստեղծման հարցում որևէ օգուտ տալու համար։
COLAB-ին միանալը չի ապահովում աշխատավարձով։ Այստեղ մենք ստեղծում ենք ստարտափներ, որոնց հաջողությունից կախված՝ դուք կարող եք ունենալ եկամուտ։
COLAB-ում ամեն ինչ կատարվում է օնլայն և ազատ գրաֆիկով։ Պարբերաբար կազմակերպվում են զանգեր (հիմնականում երեկոյան ժամերին, որպեսզի բոլորին հարմար լինի միանալ), որոնք կարող են լինել շաբաթական մեկ կամ մի քանի անգամ։
Ինչպես և ցանկացած բիզնես ստեղծելուց, այնպես և COLAB-ի շրջանակներում ստարտափներից մեկին միանալուց դուք դառնում եք դրա որոշակի մասի սեփականատերը, այսինքն ունենալու եք մասնաբաժին թե՛ տվյալ բիզնեսի եկամուտներից, թե՛ դրա հետագա վաճառքից՝ որպես սեփականություն։
Ստեղծվող ստարտափներում կարող են լինել միջինում 3-5 հիմնադիր, որոնց միջև բաժանվում է մասնաբաժինները։ Մասնակիցները կարող են ստանալ 5-50%-ը՝ կախված կոնկրետ նախագծի պահանջներից, մասնագիտությունից, հատկացվող ժամանակից, ինչպես նաև բանակցություններից և այլ գործոններից։
Ստարտափի նախագծին միանալու դեպքում մասնակիցն ունենում է պարտավորություն իր մասնագիտական ուղղությամբ ապահովել նախագծի բոլոր աշխատանքների կատարումը, որը ստանձնել է վերցրած մասնաբաժնի դիմաց։ Կոնկրետ պարտականություններն ու պատասխանատվությունների շրջանակը նախագծին միանալուց առաջ հստակ քննարկվում և ֆիքսվում է։
COLAB-ում կարող են ստեղծվել ցանկացած տիպի ՏՏ ստարտափներ (և ոչ միայն), որոնք կենտրոնացած են տեխնոլոգիական լուծումների վրա։ COLAB-ում կան՝ 1․ FinTech (ֆինանսական տեխնոլոգիաներ), 2․ MedTech (բժշկական տեխնոլոգիաներ), 3․ EduTech (կրթական տեխնոլոգիաներ), 4․ AI Tech (ԱԲ տեխնոլոգիաներ), 5․ SpaceTech (տիեզերական տեխնոլոգիաներ) ուղղություններով ստարտափներ, և շատ ավելին։
Կոնկրետ ստարտափներին կարող եք ծանոթանալ այն ժամանակ, երբ դրանց հեղինակները համագործակցելու համար դիմեն ձեզ։
Ձևավորված ստարտափների ներսում տարվող աշխատանքներն ամբողջովին դրա հիմնադիրների հայեցողությամբ են (ֆորմատը, ժամերը, ծրագրավորման լեզուն, և ցանկացած այլ բան որոշվում է հիմնադիրների կողմից՝ քննարկումների հիման վրա)։ Համագործակցության բոլոր պայմանները նախօրոք համաձայնեցվում են մասնակիցների հետ։
